Montage

കവിത- ആ കിളിയുടെ പാട്ട്

കവിത- ആ കിളിയുടെ പാട്ട്

By എ.വി. സന്തോഷ്കുമാർ

ഉളളിൽ
ഒരു
സംഗീതോപകരണമുണ്ട്
എല്ലാവർക്കും

പാശ്ചാത്യമോ
പൗരസ്ത്യമോ
രണ്ടുമല്ലാത്തതോ
ആയ ഒന്ന്

ജനനം മുതൽ
നിങ്ങളതിൽ
പരിശീലിക്കുന്നു.
നിങ്ങൾ തന്നെ ഗുരു
ശിഷ്യനും.

ഒറ്റയ്ക്കാവുമ്പോഴാണ്
പരിശീലനം.
ഏകാന്തത
ഏതോകാലത്തിൽ
ശ്രുതിയിടും
ആറാംകാലത്തിനുമപ്പുറം
അല്ലെങ്കിൽ
ഒന്നാംകാലത്തിനും കീഴെ.

പക്ഷെ
ഏകാന്തതയുമായി
പിണങ്ങിയവരിൽ
അത്
പൊടിപിടിച്ച്
ചൊടിച്ചിരിക്കും
അപശ്രുതിയിൽ
കലമ്പിക്കൊണ്ടേയിരിക്കും.

സ്വപ്നത്തിലും
നിരാശയിലും
വിതുമ്പലിലും
സന്തോഷത്തിലും
അതിന്
ഓരോ താളം
ലയം

അതുകൊണ്ടാണ്
ഏതോ ഒരു നിമിഷത്തിൽ
നിങ്ങൾക്ക്
ഗിറ്റാറാകണമെന്ന
തോന്നലുണ്ടാകുന്നത്
അല്ലെങ്കിൽ
മറ്റേതെങ്കിലും
ഉപകരണം

ഒറ്റയ്ക്കാവുമ്പോൾ
നിങ്ങൾ
അതാവുന്നുണ്ട്.
ഉള്ളിൽ
വായിക്കുന്നുണ്ട്.

santhosh.udinur@gmail.com

0

Leave a Reply

Your email address will not be published. Required fields are marked *

three × 4 =

Supported by:

skgf
skgf

Editor's Picks

Archive

Select a month to view the archive.

Back to Top