By Suni Thomas
ഓർമ്മകൾക്ക് മരണമുണ്ടോ
മൗനം മറുപടിയായി തന്നു കാലം
കാലചക്രത്തിൻ താരാട്ടിൽ
അവ സുഖനിദ്ര പൂകുന്നു
നിശ്വാസത്തിൻ ചൂടേറ്റു വാങ്ങിയവ
അസ്ഥികളിലൊരു കൂടു പണിയുന്നു
കാൽചുവടുകളിന് താളം ഏറ്റുവാങ്ങി
മനസ്സിന്നാഴങ്ങളിൽ ഒളിച്ചു പാർക്കുന്നു
ഓർമകൾ പടിയിറങ്ങിയെന്നു നിനച്ചു
മനസ്സ് പുതുതീരങ്ങൾ തേടുന്നു
അപ്പോഴതാ അനുവാദമില്ലാതെ
നിലാവിലെ നിഴൽ പോലെ
ഓർമകൾ നടന്നടുക്കുന്ന
മനസ്സപ്പോൾ പിറുപിറുത്തു
” ഓർമകൾ മരിക്കുന്നില്ല ”
suni.thomas@gmail.com>