Montage

കാമുകൻ

കാമുകൻ

ഒരു മരം നട്ട്
ഇലകൾക്കുവേണ്ടി
കാത്തിരുന്നിട്ടുണ്ടോ
പുതിയ ഇലയെ സ്വപ്നം കണ്ടിട്ടുണ്ടോ
അതിന്റെ ഇളം നിറത്തെ
സങ്കൽപ്പിച്ച് ഒരു ചിത്രം
വരച്ചിട്ടുണ്ടോ
തളിരിലകൾക്കായുള്ള
കാത്തിരിപ്പിന്റെ
മധുരം നുണഞ്ഞിട്ടുണ്ടോ
കിളിർത്തുപൊന്തിയ
പുതിയ നാമ്പിന്റെ കുറുകൽ
കേട്ടിട്ടുണ്ടോ
ഏറ്റവും ഭംഗിയുള്ള ചിലതിനെ
പുഴുക്കൾ തിന്നുകളയും
ഇഷ്ടം കൂടുമ്പോഴാണത്
പിറ്റേന്ന് നോക്കുമ്പോൾ
ആറ്റുനോറ്റുണ്ടായ
തളിരിലകളിൽ നിറയെ
വെളിച്ചമായിരിക്കും
പുഴുവിന്റെ പാടുകൾ.
അന്നേരത്തെ ആ ഒരു നീറ്റലുണ്ടല്ലോ
അത് നിങ്ങളനുഭവിച്ചിട്ടുണ്ടോ
ഞാനിതെല്ലാം അറിഞ്ഞവനാണ്
ഇലകൾക്കുവേണ്ടി
കാത്തിരുന്നവനാണ്
എന്നിട്ടും
അവളിന്നലെ എന്നോട്
പറഞ്ഞുകളഞ്ഞു
എനിക്ക് സ്നേഹിക്കാൻ അറിയില്ലെന്ന്
ഞാനൊരു മുരടനാണെന്ന്.
ശരിയാണ്
അവൾക്ക് ഞാനൊരിക്കലും
ഇലകൾക്ക് കൊടുക്കാറുള്ളപോലെ
ഉമ്മ കൊടുത്തിട്ടില്ല
കാത്തിരുന്നിട്ടില്ല
സ്വപ്നം കണ്ടിട്ടില്ല
ഇലകളെ പോലെ
ഞാൻ മറ്റാരേയും സ്നേഹിച്ചിട്ടുമില്ല.

0

Sooraj K

soorajvlpy@gmail.com View All Authors >>

Leave a Reply

Your email address will not be published. Required fields are marked *

19 − 11 =

Supported by:

skgf
skgf

Editor's Picks

Archive

Select a month to view the archive.

Back to Top