Montage

വ്യാമോഹം

വ്യാമോഹം

ഒരു കുഞ്ഞു പൈതലായ് അമ്മ തൻ
മടിത്തട്ടിൽ മയങ്ങാൻ മോഹം
കുയിലിന്റെ മധുഗാനം ശ്രവിച്ചു കൊണ്ടൊരു
സ്വരമെങ്കിലും മൂളാൻ മോഹം
പൂമ്പാറ്റ പോൽ വർണ്ണച്ചിറകു വിടർത്തി വിഹായസ്സിൽ പറക്കാൻ മോഹം
പുഷ്പവനത്തിൽ വിളങ്ങി നിൽക്കുന്നൊരു
പുഷപ റാണിയായ് തീരാൻ മോഹം
എങ്ങോ നഷ്ടപ്പെട്ട ബാല്യ സ്മരണയിൽ
ഉല്ലസിക്കാനൊരു മോഹം
പുലർകാല സൂര്യന്റെ കിരണങ്ങളേറ്റു
പുളകമണിഞ്ഞു നിൽക്കാൻ മോഹം
പുൽത്തലപ്പിൽ വെട്ടിത്തിളങ്ങും മഞ്ഞു –
തുള്ളി കൈക്കുമ്പിളിലെടുക്കാൻ മോഹം
അലസമായ് വീശുന്ന മന്ദമാരുതന്റ
ആശ്ലേഷത്തിലമരാൻ മോഹം
യൗവന സ്വപ്നത്തിൻ മായാ വിമാനത്തിൽ
മേവുന്ന പ്രണയിനിയാവാൻ മോഹം
അസ്തമയ സൂര്യന്റെ ചെങ്കിരണങ്ങളേറ്റു
വെറുതേ നടക്കാൻ മോഹം
ഈ വക മോഹങ്ങൾ പാഴെന്നറിഞ്ഞിട്ടും
വെറുതേ മോഹിക്കാൻ മോഹം

0

അജിത. എസ് .നായർ

ajisnair@yahoo.com View All Authors >>

Leave a Reply

Your email address will not be published. Required fields are marked *

2 × 1 =

Supported by:

skgf
skgf

Editor's Picks

Archive

Select a month to view the archive.

Back to Top